Tiltak
Stroymdur fyrilestur: Big Bang og ósjónligi alheimurin
95 % av alheiminum er dimmevni og dimmorka, men vit vita í roynd og veru ikki hvat tað er. Uttan dimmevni vóru vit, og lív yvirhøvur, ikki til. Sigur nýggjasta granskingin okkum nakað um ósjónliga alheimin? Fyrilesturhaldari: Steen Hannestad, professari í stjørnufrøði á Institut for Fysik og Astronomi, Aarhus Universitet Fyriskipari: Aarhus Universitet
Um fyrilestrarøðina
Í samstarvi við Aarhus Universitet verður skipað fyri fyrilestrum í Løkshøll. Fyrilestrarnir verða sendir beinleiðis úr Sø auditorierne í Aarhus. Einasti møguleiki at uppliva fyrilestrarnar er beinleiðis hjá góðkendum verti, eitt nú hjá okkum í Løkshøll / Bókasavninum við Løkin, og vanliga eru fleiri onnur støð í Føroyum við.
Talan er um náttúruvísindaligar og heilsufakligar fyrilestrar við høgum akademiskum støði; uppleggið er tó, at ein og hvør skal kunna fáa okkurt burturúr. Beinleiðis samband er við fyrilesturhaldaran, og møguleiki er at seta spurningar og fáa svar.
Ein steðgur er í tiltakinum, og tá bjóða vit ókeypis drekkamunn og okkurt undir tonnina.