Kunning

Í ár skipa vit fyri einari lesiavbjóðing til allar vaksnar lesarar. Tað verður við bókabingo! Les 12 bøkur í 2023 sum passa til ein av puntunum á bingoplátuni, og lat bingoplátuna inn á bókasavninum áðrenn 1. januar í 2024. Hvør bók kann bert útfylla 1 punt.

Skaldsøgur eru upplagdar at lesa, men til ber eisini at lesa ævisøgur, yrkingar, essay, stuttsøgur og fakbøkur. Ljóðbøkur telja sjálvandi eisini við sum lisnar bøkur. Spyr endiliga á bókasavninum um tú hevur brúk fyri íblástur – vit hjálpa tær fegin.

Vit kasta lut um innkomnu bingopláturnar, og ein virðisløn verður latin vinnaranum, ið fær boð beinleiðis.

Bingoplátan kann prentast út her: Bókabingo 2023 vaksin.pdf ella heintast á Bókasavninum við Løkin og Skála bókasavni.

Góðan lesihug!