Tiltak
STROYMDUR FYRILESTUR: Á veiðu við havsins risum
Beinleiðis stroymdur náttúruvísindaligur fyrilestur úr Aarhus universiteti. Í heimshøvunum búgva heimsins størstu djór. Í djupunum hava tey higartil livað duld og loynilig. Men nýggj tøkni gevur granskarum einastandandi møguleikar fyri at granska hvalirnir ímeðan teir veiða í havsins dýpi. Fyrilesturhaldari: Peter Teglberg Madsen, professari í sansafysiologi, Institut for Biologi, Aarhus Universitet.
Í samstarvi við Aarhus Universitet verður skipað fyri fyrilestrum í Løkshøll og á Bókasavninum við Løkin. Fyrilestrarnir verða sendir beinleiðis úr Sø auditorierne í Aarhus. Einasti møguleiki at uppliva fyrilestrarnar er beinleiðis hjá góðkendum verti, eitt nú hjá okkum í Løkshøll & á Bókasavninum við Løkin, og vanliga eru fleiri onnur støð í Føroyum við. Fyrilestrarnir eru ókeypis.
Talan er um náttúruvísindaligar og heilsufakligar fyrilestrar á høgum akademiskum støði; uppleggið er tó, at ein og hvør skal kunna fáa okkurt burturúr. Beinleiðis samband er við fyrilesturhaldaran, og møguleiki er at seta spurningar og fáa svar.
Ein steðgur er í tiltakinum, og tá bjóða vit ein ókeypis drekkamunn.
Um Løkshøll ikki er upptikin til annað virksemi, verða fyrilestrarnir stroymdir har - og annars verður bókasavnið nýtt. Vit ganga tó altíð inn ígjøgnum bókasavnið.