Søguløtan

Søguløtan á bókasavninum við Løkin

Aðruhvørja viku savnast vit á bókasavninum, har vit hugna okkum og lurta eftir einari góðari søgu, við myndum á uppvørpu.

Søguløta í skúlanum á Skála

Umleið 3 hvørja viku verður søguløtan á Skála eisini

Søguløta á netinum

Vit hava gjørt nakrar serligar søguløtur, av tí at umstøðurnar ikki hava loyvt teimum vanligu søguløtunum á bókasavninum. Vit hava lagt nakrar upptøkur at upplisnum myndabókum á okkara síðu her, og til ber at finna nógv fleiri á okkara youtube-rás YouTube-rásin hjá bókasavninum

Eta gras

"Eta gras" er ein frálík nýggj bók, ið Bókadeild Føroya lærarafelags júst hevur givið út - og Sanna Andrassdóttir Dahl hevur týtt hana til føroyskt.
Tað er Conny Rasmussen, sum lesur upp.
Bókin "Eta gras", eftir Sami Said, fæst eisini í Bókaklubbanum og bókhandlunum.

Klemmiligi Klæmint

Conny Rasmussen hevur lisið serstakliga fittu bókina "Klemmiligi Klæmint" upp. Bókadeild Føroya Lærarafelags gav bókina út í 2014. David Melling hevur skrivað og Oddfríður M. Rasmussen hevur týtt til føroyskt.
Bókin er enn til keyps í bókahandlum kring landið.

Mimbo Jimbo stuttleikar sær

Conny Rasmussen lesur her eina av avbera stuttligu bókunum um Mimbo Jimbo, sum Jakob Martin Strid hevur skrivað. Bókadeild Føroya Lærarafelags gav bókina út í 2011. Niels Jákup Thomsen týddi til føroyskt.

Bókin er útseld, men hon kann lænast á bókasøvnum kring landið

Vakurleikin og ódjórið

Vakurleikin og ódjórið er klassiska ævintýrið um týdningin av innara vakurleikanum. Susanna Davidson hevur skrivað, Kristianna Poulsen hevur týtt til føroyskt, og Conny Rasmussen lesur upp. Bókadeild Føroya Lærarafelags og NÁM góvu bókina út í 2020. Vakurleikin og ódjórið er til keyps í bókahandlum kring landið.

Ribbaldurin Bibbi og mamman

Conny Rasmussen lesur her bókina "Ribbaldurin Bibbi og mamman" hjá Barbo Lindgren. Alexandur Kristiansen týddi til føroyskt og Bókadeild Føroya Lærarafelags gav bókina út í 1993. Bókin er útseld, men kann lænast á bókasøvnum kring landið

Í dýrastu neyð

Í dýrastu neyð er ein fitt myndabók, sum Jill Murphy hevur skrivað, og sum Kristianna Poulsen hevur týtt til føroyskt. Bókadeild Føroya Lærarafelags gav bókina út í 2018. Conny Rasmussen lesur upp. Bókin er til keyps í bókahandlunum kring landið.

Eg vil hava eina systur

Hendan fitta søgan sum Tony Ross hevur skivað, kom út á føroyskum í 1999. Bókadeild Føroya Lærarafelags gav hana út, og Niels J. Thomsen týddi úr enskum. Bókin er útseld, men fæst til láns á bókasøvnunum kring landið. Conny Rasmussen lesur upp

Storm-Stina

Hendan myndabókin varð útgivin í 1992 hjá forlagnum Nýlendi. Lena Anderson hevur skrivað og Jákup í Skemmuni hevur týtt til føroyskt. Conny Rasmussen lesur her bókina upp.

Bókin er útseld frá forlagnum, men kann lænast á bókasøvnum kring landið.

Meira ferð, Mamma Mu

Tað er summar, og tað er heitt. Allar kýrnar liggja á bønum, har tað er eitt sindur av skugga fyri sólini. Men ikki Mamma Mu, hon gongur í vatninum við høvdinum undir. Bara oyruni og hornini koma undan. Og Krákus er sjálvandi forvitin eftir at vita, hvat Mamma Mu ger. Jujja Wieslander hevur skrivað hesa stuttligu bókina um vinalagið hjá eini kráku og eini kúgv. Niels Jákup Thomsen hevur týtt til føroyskt og Bókadeild Føroya Lærarafelags gav út í 2017. Conny Rasmussen lesur upp. Bókin fæst til keyps í bókahandlunum kring landið.

Hýruvognurin hjá Narva

Sven Nordqvist hevur skrivað hesa fittu barnabókina um Narva. Narvi koyrir hýruvogn við eini hjólbøru. Hví man tað vera, at kaninirnar eru so tungar at koyra niðan brekku, tá lærarin er so lættur at koyra oman á bussstøðina? Bókadeild Føroya Lærarafelags gav bókina út í 1993 og Ella Smith Clementsen hevur týtt til føroyskt. Conny Rasmussen lesur her upp. Bókin er útseld, men fæst til láns á bókasøvnunum kring landið.