Tiltak
STROYMDUR FYRILESTUR: Fara mótstøðuførar bakteriur at drepa okkum?
Beinleiðis stroymdur náttúruvísindaligur fyrilestur úr Aarhus universiteti. Eitt av størstu framtøkunum í læknavísindini er at antibiotika varð uppdagað. Men hvussu riggar tað og hví rakar tað ikki okkara egnu kyknur? Kom og hoyr um bakteriur, antibiotika og um møguligar loysnir upp á tær mótstøðuføru bakteriurnar. Fyrilestur v/ professara í strukturellum mikrobiologi Ditlev Brodersen og professara í kliniskum mikobiologi Hans Jørn Kolmos
Í samstarvi við Aarhus Universitet verður skipað fyri fyrilestrum í Løkshøll og á Bókasavninum við Løkin. Fyrilestrarnir verða sendir beinleiðis úr Sø auditorierne í Aarhus. Einasti møguleiki at uppliva fyrilestrarnar er beinleiðis hjá góðkendum verti, eitt nú hjá okkum í Løkshøll / Bókasavninum við Løkin, og vanliga eru fleiri onnur støð í Føroyum við. Fyrilestrarnir eru ókeypis.
Talan er um náttúruvísindaligar og heilsufakligar fyrilestrar á høgum akademiskum støði; uppleggið er tó, at ein og hvør skal kunna fáa okkurt burturúr. Beinleiðis samband er við fyrilesturhaldaran, og møguleiki er at seta spurningar og fáa svar.
Ein steðgur er í tiltakinum, og tá bjóða vit ein ókeypis drekkamunn.
Um Løkshøll ikki er upptikin til annað virksemi, verða fyrilestrarnir stroymdir har - og annars verður bókasavnið nýtt. Vit ganga tó altíð inn ígjøgnum bókasavnið.