Kunning

Nú er tíðin aftur komin at hugsa um jólakalendara til børnini
Tit kunnu læna ein ókeypis og ómakaleyst frá bókasavninum Læn 24 bøkur – eina til hvønn dag fram til jóla. Soleiðis hava tit ta hugnaligu og góðu løtuna saman hvønn dag í jólameldrinum
Vit seta jólakalendaran saman sum tit ynskja, alt eftir aldri og áhugamálum hjá børnunum. Ein møguleiki er eisini at velja 4 bøkur - eina til hvønn dag í advent! Tit eru sjálvandi eisini vælkomin inn sjálvi at velja tykkum bøkurnar.
Ring ella skriva til okkum, og so siga vit frá tá jólakalendarin er klárur. Vit pakka eisini bøkurnar inn í vakurt gávupappír, um tað er.
Vit gleða okkum at hoyra frá tykkum Í fjør var bóka-jólakalendarin so væl umtøktur, at hillarnar við myndabókum vóru so gott sum tómar tá jólini vóru í hondum