Kunning

Øssur Johannesen hevur skrivað eina bók um listamannin Frimod Joensen, sum varð føddur í 1915 og doyði í 1997. 

Fyrsta helvt av bókini er tekstur sum Øssur hevur skrivað um lív og virkið hjá Frimod. Teksturin er á føroyskum, enskum og síðani á donskum. Seinna helvt av bókini eru endurgivnar tekningar og málningar sum Frimod Joensen sjálvur hevur gjørt.

Øssur skrivar, at listamaðurin hevur havt eitt stórt, ríkt og óavmarkað hugflog, ið hann oysti úr sum listarmaður. Frimod Joensen var eisini óvanliga fjølbroyttur og víðfevnandi sum listamaður. Hann varð føddur á Sandi og búði sum ungur eisini í Keypmannahavn, men búði og virkaði flestu árini í Havn. Frimod Joensen var sjálvlærdur og var ein serstakliga orginalur listamaður, heldur rithøvundurin.

Øssur gevur sjálvur bókina út. - Í bókini eru endurgivnir málningar og tekningar, eitt nú fleiri tekningar, sum ikki eru sæddar áður, sigur rithøvundurin.

Bókin er til láns á bókasøvnunum kring landið