Kunning

01. mars 2025

Vinnarin av ársins Lesaravirðisløn!

Bókin ”Lygn” hjá Eyðun Klakstein hevur vunnið ársins Lesaravirðisløn hjá føroysku bókasøvnunum.

Í allan februar mánaða hevur verið gjørligt at atkvøtt millum tríggjar føroyskar bøkur, sum hava verið tilnevndar til Lesaravirðislønina hjá føroysku bókasøvnunum.

Tey trý tilnevndu verkini í 2025 vóru ”Lygn” eftir Eyðun Klakstein, ”Sára Malena : seinasta gandakellingin í Føroyum” eftir Sólrún Michelsen og ”Vilstar røtur” eftir Ingun Christensen og vinnarin gjørdist ”Lygn”.

Mikudagin 5. mars kl. 17.00 verður Lesaravirðislønin, áljóðandi 30.000kr, handað á Bókasavninum við Løkin í Runavík. Øll eru hjartaliga vælkomin til handanina, har vit fara at fáa upplestur, tónleik og lítið ábit.

Á øðrum sinni verður Lesaravirðislønin latin. Virðislønin er sett á stovn til tess at seta sjóneyku á føroyskar bøkur, sum á hvørjum ári verða mest læntar og lisnar runt um á føroysku bókasøvnunum, men eisini fyri at geva lesarunum eina rødd og høvi at virðisløna og fagna teimum bókunum, sum hava verið árisins mest læntu bøkur. Tilnevningarnar byggja á útlánshagtøl hjá øllum føroysku fólkabókasøvnunum umframt hagtøl hjá Landsbókasavninum.

Kunning

Vís fleiri
21. apríl 2025
Mentan­arvikan í Runavíkar kommunu 2025
Vit gleðast um, at vit ganga móti ljósari tíðum og er tað nakað, ið ber boð um vár, so er tað árliga Mentanarvikan í Runavíkar kom…
17. apríl 2025
ÚTSETT!!! LISTAFRAMSÝNING v/­ Øssur Johannesen á Mentan­arvikuni í Runavíkar kommunu
hós. 24. apr. kl. 13.00 - sun. 27. apr. kl. 17.00LISTAFRAMSÝNING v/ Øssur JohannesenÁ mentanarvikuni í Runavíkar kommunu sýnir Øss…
25. mars 2025
Faktalink til skúlabrúks!
RITA INN Á FAKTALINK ALLASTAÐNIS FRÁ - VIÐ LÁNARANUMMARI og PINKOTU (Vel 'Landsbókasavnið' við Bibliotekslogin) Um Faktalink  h…