Kunning

Í sambandi við Mentanarvikuna í kommununi, fer Bókasavnið við Løkin mánadagin 20. apríl á ferð til Funnings. Vit fara at hava opið allan dagin í Funningi, við bókum, søguløtu, gyklaverkstovu, perlum og brosjum. Vit bjóða eisini kaffi og okkurt smátt afturvið.

Søguløta við Silja Aldudóttir verður kl. 16.00 - vit hoyra bókina "Bjarta bustar tenn" - og aftaná sleppa børnini at royna seg við tannbustini.

Gyklaverkstova við Ásbjørn Berthelsen verður kl. 17.00 - Kundi tú hugsað tær at duga nøkur gykl at víst fyri tínum vinum? Eitt korttrick ella at fingið okkurt at hvørva? Ásbjørn lærir teg at gera nøkur kul gyklakynstur. Verkskeiðið er  fyri børn 9-14 ár og kostnaðurin er 50,-. Tey, sum koma á skeiðið fáa alt tilfarið, sum er neyðugt at brúka. 
atgongumerki fáast á www.atgongumerki.fo

Bókasavnið er opið kl. 10-18. Sí meir um søguløtuna og um gyklaverkstovuna (sum krevur atgongumerki) undir "tiltøk" á lokin.fo