Kunning

Grønu sólbondini fáast nú eisini á Bókasavninum við Løkin.

Fyri at skapa betri rúmd fyri fólki við ósjónligum avbjóðingum í almenna rúminum eru føroysku bókasøvnini nú eisini við í sólblómuskipanini. 

Fólk kunnu hava ymiskar avbjóðingar, uttan at tað sæst á teimum, t.d. angist, autismu, ADHD, heilaskaða, alzheimers, PTSD og mangt annað. Ósjónligar avbjóðingar kunnu gera tað torført at ferðast millum ókend støð og fremmand fólk. Yvirhøvur at fara út um gátt, kann sýnast torført. 

Tá kann sólblómubandið lætta um lívið. Við sólblómubandinum um hálsin er tað sjónligt fyri øðrum, at tey skulu bera seg varliga at t.d. við tolni, umsorgan ella kanska við at hjálpa.

Sólblómubandið fæst hjá okkum. Tað krevst ongin frágreiðing, og bandið verður latið uttan spurningar. 

Tú kanst lesa meir um sólblómuskipanina HER